صرحت الفنانة “ريهام حجاج” عن شخصيتها في مسلسل “صدفة” الذي عُرض خلال الموسم الرمضاني السابق 2024، وهذا خلال مداخلتها مع الإعلامية “لبنى عسل” في برنامج “الحياة اليوم”.
رد ريهام حجاج
كما ردت “ريهام” على الهجوم من البعض على مسلسلها الرمضاني صدفه حيث قالت: “ربنا سبحانه وتعالى مش كل الناس اتفقت عليه، فمش كل الناس صح ومش كل الناس نظرتها للأمور زي بعض”.
بينما قالت “ريهام حجاج”: “مبسوطة بحالة الجدل الكتيرة دي، لأنه صدفة شخصية مش هتقابلها كل يوم، وعندنا رسالة عايزين نوصلها للناس إن صدفة شخص غير سوي بسبب نشأتها، وإحنا كنا عايزين نقول للناس مترموش عيالكم، لأن لما ترموا عيالكم يا هيطلع طفل عنده اضطراب نفسي زي صدفة يا حد مش طبيعي، وواحد مبيعرفش يفكر كويس، وديمًا أفعاله غلط ومش بيعرف يحل المشاكل، ومعندوش توازن حتى في لغة الجسد والكلام”.
كما تابعت “ريهام حجاج” قائلة: “وكان فيه رسالة مهمة برضه أن أنت مينفعش تختار تربي مين ومتربيش مين من أولادك، فكنا عايزين نقدم رسالة للناس أنه نربي ولادنا”.
فيما أضافت قائلة: “أنا مخفتش من الدور وتحمست جدًا ليه، وكنت مبسوطة أوي، ومستمتعة وأنا بمثل، وفي خلاف من بعض المدرسين، وأنا حابة أقول حاجة، أنه إحنا مبنقدمش مهنة، إحنا بنقدم بني آدم لحم ودم، ومالهوش علاقة بـ المهنة”.
ابطال مسلسل صدفة
يذكر ان مسلسل “صدفة” من بطولة ريهام حجاج، وخالد الصاوي وسلوى خطاب ورشدي الشامي ورحاب الجمل، وميار الغيطي ورباب ممتاز وفراس سعيد وعصام السقا ونور إيهاب، ومن تأليف أيمن سلامة، ومن إخراج سامح عبد العزيز
